شقا الأيام ..
وسهر الليل ..
بهون لو مرة حسيت بى ..
يزول كل الوجع وأرتاح ..
وأغرد زى كنار صداح ..
وتبقى الدنيا فى عينى ...
أزاهر وغيمة وردية ..
ولو سلمت مرة على ..
سلامك ليا عيديه...
**
شقا الأيام وسهر الليل ..
وآهاتى الحزاينية ..
ملازمنى من يوم شفت عيونك الحلوة ..
ويومها عرفت كيف العين
مكامن ريد..
وجرة نمة من دوبيت ..
ضراعة فاتحة يوم العيد
فرح أطفال
وأهازيج زار
ونقرة طار ..
وبحة ناى ...
حزين غناى ..
ترانيم غنوة دينية
**
براى ... والليل
وأهاتى الحزاينية ،
بيغشاني النعاس مرات ..
وطيفك يمر..
يغافلني..
يبدل حزني اشراقات
وأبداء معاك غناوى الليل
وأغالب الدمعة مابيه تسيل ..
أتارى الليل كمل كلو ؟!
عيونك مرة لو طلو ..
شقا الأيام ..
وسهر الليل ..
بهون لو مرة حسيت بى ..
يزول كل الوجع وأرتاح ..
وأغرد زى كنار صداح ..
وتبقى الدنيا فى عينى ...
أزاهر وغيمة وردية ..
ولو سلمت مرة على ..
سلامك ليا عيديه...
**
شقا الأيام وسهر الليل ..
وآهاتى الحزاينية ..
ملازمنى من يوم شفت عيونك الحلوة ..
ويومها عرفت كيف العين
مكامن ريد..
وجرة نمة من دوبيت ..
ضراعة فاتحة يوم العيد
فرح أطفال
وأهازيج زار
ونقرة طار ..
وبحة ناى ...
حزين غناى ..
ترانيم غنوة دينية
**
براى ... والليل
وأهاتى الحزاينية ،
بيغشاني النعاس مرات ..
وطيفك يمر..
يغافلني..
يبدل حزني اشراقات
وأبداء معاك غناوى الليل
وأغالب الدمعة مابيه تسيل ..
أتارى الليل كمل كلو ؟!
عيونك مرة لو طلو ..
يزول كل الوجع وأرتاح...
وأغرد زى كنار صداح..
وتبقى الدنيا فى عينى ..
أزاهر وغيمة وردية ..
ولو سلمت مرة على ..
سلامك ليا عيدية ..
يزول كل الوجع وأرتاح...
وأغرد زى كنار صداح..
وتبقى الدنيا فى عينى ..
أزاهر وغيمة وردية ..
ولو سلمت مرة على ..
سلامك ليا عيدية ..
